البوست هذا من كتابة احد مشرفي مجموعتي اتحاد محبي الارجيلة الدولي و مجموعة محبي السيجارة الالكترونية ..
وهو لا يتكلم بأي موضوع اخر الا عن موضوع مصروف الفيب .. والعملة المستخدمة هي الدينار الأردني وتعادل دولار و 30 سنت..
الفيب مصروفها عالي مو زي الارجيلة اكيد هي صحيا افضل من الارجيلة ولكن مصروفها اعلى يعني خلينا نحكي انت مصروفك بالفيب معتدل زي حالتي علبة ال60 مل بتقعد اسبوعين معك هيك بدك بالشهر علبتين جوس 60 مل حق علبة الجوس عنا بالاردن ب17 غير اذا بدك اياها مع توصيل او انت بتوخذ مواصلات وبتروح انسا التوصيل احسب علبتين جوس بطلعو 34 ليرا لسا ما حكيت عن الكويلات اذا كان معك تنك فيبرسو ولا سموك ولا اي تنك كويلات جاهزة بدك على حسب عمر الطويل الافتراضي 10 ايام يعني 3 بدك بالشهر و الواحد حقو و ارخص اشي عنا الي هو السموك ب4 ليرات و في انواع ب5 خلينا نقول ب4 يعمي بدك 12 ليرا بس كويلات هيك قديش صار المجموع 46 ليرا شهري هاظ هاظ هيك شهري انا شلت مصاريف الفيب اول ما تشتريها بدك تجيب بطاريات ومش عارف اش وفي ناس بتجيب بطاريات احتياط و شاحن فيب انسا يعمي هلاشياء مع انو شاحن بطاريات خارجي مهم لانو الي بشحن من الجهاز نفسو ممكن يقصر بعمر البطاريات او يخرب اشي بالجهاز وخصوصا اجهزة سموك اغلب الي بخربو اجهزتهم بسبب شحن البطاريات من الجهاز الي ضرب عندو بورد او الي خرب عندو قاعدة شحن كثير قصص فا عشان هيك بنصح الكل يجيبو شاحن خارجي لانو (((ممكن))) انت تدفع 20 ليرا حق الشاحن يحميك من انك تدفع حق جهاز جديد
وغير هيك الي بحكي ما عن تعبي راسي انت جايب نسبة نيكوتين غلط يعني بتجيبلي نيكوتين 0 تحكيلي ما بتعبي الراس مهو اكيد مرح تعبي الراس في ناس بجيب 3 نيكوتين وبتعبي راسها الي ما بنفع معو هظول النسب يجيب 6نيكوتين هاي بتعبيلو راسو وممكن يحسها ثقيلة كمان طبعا النسب الي اعلى من هيك 9 و 16 هظول بدهم نوع تنك لحال mtl او بود سيستم هظول قصة ثانية ببقى احكي عنهم ببوست ثاني موضوعنا الفيب احنا
فا الي بفوت على الفيب وببالو بفكر انو الفيب ارخص واوفر لا يخوي مو اوفر بالمرة طبعا انا اتستثنيت الشباب الي بكون مصروفهم اعلى من هيك وفي كثير منهم الي بخلص بالاسبوع 60 مل والي زي سوبر ام اتش دي.. بخلص ال60 مل ب3 ايام و ال100 مل باسبوع هظول معلم هات لحق على مصروفهم فا الي بدو يجيب فيب بدو يدير بالو على مصروفو بالجوس
الواحد بامكانو يوفر طبعا بالفيب الي استخدامو للجوس زي استخدامي علبتين 60 مل بالشهر ممكن علبة 100 مل او 120 مل تكفيه شهر كامل ال 100 حقها 22 ليرا و ال120 حقها 25 و ابمكانو يجيب تنك rda او rdta او rta هون بوفر على حالو كويلات بدل من كل اسبوع او 10 ايام رح تصير كل شهر شهر ونص وممكن توصل لشهرين فلنفرض حق الكويلات 7 ليرات وبدو كيس قطن نفرض انو جاب بيكون قطن حق الكيس 5 (كيس القطن هاظ فيو 20 قطنة تقريبا وكل قطنة بتسوي لكويلين (جوز) يعني بتكفيك 20 تغير وممكن اكثر و ما حد بغير قطن كل يوم تغير القطن اسبوعي او اقل او اكثر حسب نوع الجوس و استخدامك و نوع الكويلات )
هيك بدنا نحسب انك جبت 120 مل 25د.ا و كويلات 7د.ا و قطن 5د.ا مع بعض بنفس الشهر بطلع المجموع 37 ليرا الشهر الي بعدو علاغلب حتجيب بس الجوس مع هيك حيكون مصروفها اكثر من مصروف الارجيلة
هيك بدنا نحسب انك جبت 120 مل 25د.ا و كويلات 7د.ا و قطن 5د.ا مع بعض بنفس الشهر بطلع المجموع 37 ليرا الشهر الي بعدو علاغلب حتجيب بس الجوس مع هيك حيكون مصروفها اكثر من مصروف الارجيلة
ما بنصح اي واحد ما بعرف اي اشي بالفيب و لسا بدو يجرب دغري يفوت على تنكات rda او rdta او rta لانو التعامل معهم للمبتديء حيكون صعب ومعقد فا بالاول يضل على التنك الي بيجي مع الفيب بالاغلب حيكون تنك سموك او فيبرسو او اسبير الي همة كويلات جاهزة (اسمهم تنكات سب اوم sub ohm tank) هظول افضل اشي للمبتدئين بعدين بس يحس حالو بدو اشي احسن و اشي يعطي نكهة اقوى ويكون شاف فيديوهات عن التركيب و القطن و كل اشي بصير بتنكات rda او rdta او rta يروح يحول عليهم طبعا مو من اولها رح تصير معلم تركيب كويلات عشان هيك اولها ما تركب كويلات ب ايدك خلي واحد يركبلك و اتعلم منو شوف هو شو بساوي عشان اي غلط بالقطع بالكويلات نزلتو كثير او قصيت غلط ممكن تضيع على حالك كويل ويصير بدك كويلات جداد
على ما اعتقد حكيت بكلشي عن المصاريف تاعت الفيب طبعا هاي الاشياء بس للفيب مصاريف البود سيستم (سحبة السيجارة) اقل بكثير من مصروف الدخان طبعا
على ما اعتقد حكيت بكلشي عن المصاريف تاعت الفيب طبعا هاي الاشياء بس للفيب مصاريف البود سيستم (سحبة السيجارة) اقل بكثير من مصروف الدخان طبعا
اهم اشي لا تنسى *كل اشي بالفيب بعتمد على استخدامك هاي المصاريف ممكن تزيد و ممكن تنقص انت و استخدامك* كل اشي حكيتو فوق من باب المثال انا استهلاكي للجوس زي هيك في ناس اكثر وفي ناس اقل كل اشي واستخدامك انت
صحيح اشي ثاني الفيب بدك تجرب عشان تعرف شو النهكة الي حبيتها لانو عبارة عن اذوق لما يجي حد يسالني عن جوس ما بعرف شو اجاوبو فا انت بدك تعرف شو ذوقك شو بتحب عنطريق التجربة بدون تجربة بزبطش تمشي على كلام الناس مو دايما كلام الناس واذواقهم رح تعجبك لانو ممكن اعطيك نكهة بالنسبالي خرافية و احسن نكهة وازكا نكهة تذوقها انت ما تعجبك عادي جدا مع انو نفس الجوس فا جرب عشان تعرف شو بتحب
واخيرا اتمنى اكون وصلت المعلومة صح واي استفسار حطو بالكومنت ان شاء الله ما بقصر مع حد
*كل صورة مكتوب عليها نوع التنك - كما يسمى بالاوتومايزر*
رابط البوست الأصلي على المجموعة :
تابعنا